Key : C
Zan ah tuu khal hna sinah, van in thawngtha a rung thang
tu zanah David khua ah, nan khamhtu Khrih a chuak cang
a sangbik van cungah khin, Pathian thangthat si ko seh
a Dawtmi umnak lei ah, remnak leng ko seh an ti.
Haleluijah khamhtu cu, nihin kan ca'h a chuak cang
a min cu Emanuel Pathian kan sinah a um
Ngaihchia lungkuai mi hna le, Sual thilrit phurmi hna ca'h
hnemtu le chanhtu dingah, Van Siangpahrang a chuak cang
Fapa pakhat pek kan si, amah cu kan uktu Bawi
fim chimtu le a thawngmi, Pathian zungzal hmunmi Pa
a liannak a thang chin lai, a ram a dai zungzal lai
a pennak cu a hmun lai, a zungzal in zungzal tiang
Khuatlang le khrihfabu ah, rem lomi hna nan um maw?
nang bu kei bu ti ruangah, rem lomi hna nan um maw?
nang mithi kei mi piangthar ti'n rem lomi nan um maw?
remnak leen ter cang usih, remnak Bawipa a chuak cang.
Khamhtu a Chuak Cang
