ENGTIN NGAI MAW?
Phuahtu- Robert khiangte
Satu- Maggie ft Tbc(Duet)
TBC-A:
Siamtu kutchhuak mawi ten an vul,
Hawi vel ila amawi hluan e;
A par tlanin hringmi kan lawm,
Kei ka tawnah a vul chuang ngei.
Hmmm.. Hmmm..
MAGGIE:
Hlimna lamtluang ka thlang sual ta,
Sual hreng kawlh maw ka bun tak le;
Saltanna kulh min dang tu hi,
A pumpelh dan ka thiam nem maw.
Mahse maw dawn chiang ila,
Tiang renga hringnun hmang tur hian;
A duan bik hian ka ring silo,
Khuanu leng hian engtin ngai maw?
TBC-A:
Ka ngai mang e panlai hringnun,
Hlim tea chunnu tang belh lai ni;
Muangtea zan mu chhin lai te,
Ruihhlo tello nun muanawm kha.
Tunah zawng maw hai ang thangin,
Amten ka chen ka vanglai ni;
Engdang reng hian min hnem zo lo,
Hrui ang min phuar ruihhlo zun chuan.
MAGGIE:
Chinlai lenrual lungduh zawngte,
Ka chun leh zua unau zawng pawn;
Thinlai nain sam ang min then,
Belh tur ka vai ka riang chuang ngei.
Puitu ngaiin ka van ruai a,
Sual doral hrang a na lua e;
Lainattu hmel ka hai thin maw,
Ka zam ral ta ruihhlo tawnah.